Ադրբեջանցիների համաշխարհային խորհուրդը հատուկ քննարկում է անցկացրել` պարզելու, թե արդյոք ճիշտ են վարվել Ադրբեջանի 43 քաղաքացիներ` իրենց ձայնը ՙԵվրատեսիլ-2009՚-ի ընթացքում տալով Հայաստանին:
Քննարկման թեման արդեն իսկ մառազմ է, իսկ նման մառազմի առիթ է հանդիսացել այն, որ վերջին շրջանում եվրոպական կառույցները Ադրբեջանին քննադատում են ՙԵվրատեսիլում՚ հայերին ձայն տվածներին հալածելու համար:
Հայտնի է, որ Հայաստանին ձայն տվողները հրավիրվել են Ադրբեջանի ազգային անվտանգություն եւ հարցաքննվել: Իսկ ահա ադրբեջանցիների համաշխարհային կոմիտեն հանգել է այն եզրակացությանը, որ հայերին ձայն տվողները դավաճաններ են: Բացի այդ, կոմիտեն գտնում է, որ 43 ձայնը Հայաստանի կողմից կազմակերպված պրովոկացիա էր: Թե ինչպես պետք է Հայաստանը նման բան կազմակերպեր Ադրբեջանում՝ միայն ադրբեջանցիները կարող են իմանալ, համենայնդեպս կոմիտեի անդամները գտնում են, որ ձայները հատուկ տրվել են Հայաստանին, որպեսզի ազգային անտվանգության միջոցով աղմուկ բարձրանա եւ վնաս հացվի Ադրբեջանի հեղինակությանը:
