«Ի տարբերություն շատ քաղաքական գործիչների, ես խոսում եմ փաստարկված»: Նման հայտարարությամբ հանդես է եկել ՀՀԿ մամուլի քարտուղար, պատգամավոր Էդուարդ Շարմազանովը:
Պատասխանելով Հայաստանում առկա քաղաքական ուժերի` ԱՄՆ-ի, Ֆրանսիայի և Ռուսաստանի նախագահների կողմից արված հայտարարության հանդեպ ունեցած բացասական վերաբերմունքի պատճառների մասին հարցին, պատգամավորը նշել է. «Եթե այդ քաղաքական ուժերի ներկայացուցիչներն ունեն փաստեր, որ սա շահեկան չէ, մենք կարող են բանավիճել»:
Այդ հայտարարության մեջ, պատգամավորի խոսքերով, հստակ նշված է Լեռնային Ղարաբաղի ինքնորոշման իրավունքի սուբյեկտ լինելու մասին: Բացի այդ, Շարմազանովը նշել է, որ այն դեպքում, երբ նախագահ Սարգսյանի առաջարկությունները ներառվել են փաստաթղթում, ապա Ալիևի դեպքում, ամեն ինչ հակառակն է:
«Եթե մի բան վրդովմունք է առաջացնում մեր հակառակորդների մոտ, բնականաբար, մեզ մոտ երկու կարծիք լինել չի կարող»,- եզրափակել է պատգամավորը: