Չեչնիայի Շալինսկի շրջանում մահապարտ-ահաբեկիչն իրեն պայթեցրել է ոստիկանների խմբի մերձակայքում: Զոհերի մասին դեռևս ստույգ տվյալներ չկան։ Ըստ նախնական տվյալների՝ միջադեպի հետևանքով զոհվել է 3-6 մարդ: Նրանց թվում են ոստիկանության աշխատակիցներ, հնարավոր է նաև պատահական անցորդներ:
Պայթյունը տեղի է ունեցել կեսօրին` Մեսքեր-Յուրտ բնակավայրի ավտոլվացման կետերից մեկի մերձակայքում, ИТАР-ТАСС-ին հաղորդել է Չեչնիայի ՆԳՆ ղեկավարը: Համաձայն օրինապահների` ոստիկանության հինգ աշխատակիցներ սպասում էին, մինչև իրենց մեքենան լվանան: Այդ պահին նրանց է մոտեցել մահապարտ-ահաբեկիչը և իրականացրել պայթյունը: Ինքնաշեն պայթուցիկը տեղադրված է եղել նրա հագուստի տակ: Արդյունքում՝ դեպքի վայրում զոհվել են չորս ոստիկաններ, ևս մեկը վիրավորվել է: Նման տվյալներ հրապարակել է Ռուռաստանի ՆԳՆ-ը:
Ահաբեկչի անձն արդեն հաստատվել է: Դա Արգուն քաղաքի 25-ամյա բնակիչ, ապօրինի զինված խմբավորումների անդամ Մոհամեդ Շահիդովն է, ով նախկինում դատապարտված է եղել: