Ֆուտբոլի Հայաստանի չեմպիոն «Փյունիկը» Չեմպիոնների լիգայի որակավորման 2-րդ փուլի առաջին խաղում 0:0 հաշվով ավարտվեց Զագրեբի «Դինամոյի» հետ մրցավեճը: Վարդան Մինասյանի սաները 5-րդ խաղում անընդմեջ անառիկ պահեցին սեփական դարպասը: Եթե նախորդ 4 խաղերում «Փյունիկը» հայկական թիմերին թույլ չէր տվել գրավել իր դարպասը, ապա այս անգամ հաջողության չհասան արդեն խորվաթները:
Խաղի ընթացքում առավելությունը Խորվաթիայի չեմպիոն «Դինամոյի» կողմն էր, որը բազմաթիվ հարվածներ կատարեց «Փյունիկի» դարպասի ուղղությամբ: Սակայն Հայաստանի չեմպիոնի պաշտպանները և դարպասապահը հուսալի էին գործում: 2 ռեալ գոլային պահ էլ ունեցավ «Փյունիկը», որի միակ «մաքուր» հարձակվող Մարկոսը 2 վտանգավոր հարված կատարեց: Առաջին դեպքում բրազիլացին շտապեց, իսկ 2-րդ դեպքում նրա հարվածը ետ մղեց հյուրերի դարպասապահը:
Խաղը ավարտվեց 0:0 հաշվով: Մեկ շաբաթ անց կողմերը կհանդիպեն արդեն Զագրեբում: «Մակսիմիր» մարզադաշտում կայանալիք հանդիպումը տեղի ունենա առանց հանդիսականների, քանի որ խորվաթ ֆուտբոլասերները նախորդ մրցաշրջանում անվայել պահվաքով են աչքի ընկել: