Քաղաքական զարգացումների հետազոտական կենտրոնի ղեկավար Վահան Դիլանյանն այսօր կարծիք է հայտնել, թե Հայաստանի հեղինակությունը միջազգային հանրության առջև բավական բարձրացել է: Նա նկատի է ունեցել, որ մեր երկրի հեղինակությունը բարձրացել է հայ-թուրքական կարգավորման բանակցություններում հայկական կողմի նախաձեռնողականության շնորհիվ:
Կենտրոնի տնօրենը կարծիք է հայտնել, որ հաշվարկված քաղաքականության դեպքում Հայաստանը կարող է դիվիդենդներ ստանալ հայ-թուրքական կարգավորման գործընթացից:
Ինչ վերաբերում է ղարաբաղյան հակամարտության կարգավորման առնչությամբ Սերժ Սարգսյանի վարած քաղաքականությանը, Վահան Դիլանյանը կարծիք է հայտնել, թե Հայաստանի նախագահ Սերժ Սարգսյանի քաղաքականությունը, նախորդների համեմատ, ավելի ճկուն է:
